“Neftçi”nin hücumçusu Vensan Abubakarın Kamerun millisindən kənarda qalması ölkədə ciddi narazılığa səbəb olub.

Prosport.Az "The Sun" nəşrinə istinadən xəbər verir ki, məsələyə artıq ölkə rəhbərliyi də qarışıb.

Federasiya ilə hökumət hazırda futbolçu ilə bağlı yaranmış qarışıqlığı həll etməyə çalışır.

Qeyd edək ki, V.Abubakarın Afrika Millətlər Kuboku üçün heyətə çağırılmamasını Kamerun Futbol Federasiyasının prezidenti Samuel Eto tapşırıb. Hazırda Kamerun millisi tarixinin ən məhsuldar futbolçusu 56 qolla məhz Etodur. Ona ən yaxın isə aktivində 45 qol olan Abubakardır. Əfsanəvi Eto “Neftçi”nin forvardının bu rekordu qırmaması üçün onun milliyə çağırılmasını əngəlləyib.

Vensan Abubakar oktyabrda “Neftçi”yə keçib və “ağ-qaralar”la mövsümün sonuna qədər müqavilə bağlayıb.