“Qarabağ”ın qapıçısı Mateuş Koxalski Çempionlar Liqasının VI turunda Bakıda Niderlandın "Ayaks" klubuna 2:4 hesabı ilə uduzduqları matç haqda danışıb.

Prosport.Az xəbər verir ki, polşalı qolkiper məğlubiyyəti bu cür şərh edib:

“Matça pis başlamadıq. Hər şey yaxşı gedirdi, amma oyunu pis başa vurduq. Ən vacib anda zəif oyun göstərdiyimiz üçün uduzduq. Bu barədə çox danışmaq istəmirəm, çünki məyus oldum. Buna baxmayaraq, hələ də irəliləmək şansımız var. Necə olacağını və kifayət qədər xal qazanıb-qazanmayacağımızı bilmirəm, amma ən azı bir qələbə qazanmalıyıq. Bu baxımdan "Ayntraxt"la ev oyunu çox vacibdir. Ümid edirəm ki, növbəti mərhələ uğrunda mübarizə apara biləcəyik”.