Çempionlar Liqasının VI turunun “Qarabağ” – “Ayaks” oyunundan öncə meydan sahibi komandanın futbolçusu Mateus Silva jurnalistlərin suallarını cavablandırıb.

Prosport.Az xəbər verir ki, müdafiəçi əvvəlcə görüşlə bağlı fikirlərini bildirib.

– Bizi çox sabah ciddi oyun gözləyir. Çox təəssüf ki, hazırlaşmaq üçün kifayət qədər vaxtımız olmadı. Oyun fəlsəfəmiz hamıya bəllidir. Hamımız bilirik ki, meydanda nə edəcəyik. Doğma meydanda oynayacağıq. Çalışacağıq ki, azarkeşlərimizi sevindirək.

– Sabahkı oyuna xüsusi motivasiya ilə çıxacaqsınız? Bu mövsüm yaxşı performans göstərirsiniz. Bunun davamını görə bilərik?

– Bu turnirdə uğurlu nəticə üçün təkcə mənim yüksək performans göstərməyim yetərli deyil. Komanda yoldaşlarım hamısı yüksək performans göstərməlidir. Söz verə bilərəm ki, sabah mən və komanda yoldaşlarım əlimizdən gələni edəcəyik.

– Sabah “Qarabağ” üçün həlledici oyunlardan biri olacaq. Komanda daxilində həyəcan var?

– Çempionlar Liqasında bütün oyunlar böyük matçdır. Amma hansısa həyəcan yoxdur. Digər matçlara necə hazırlaşırıqsa, bu oyuna da elə hazırlaşmışıq.

– Ötən mövsüm “Ayaks”a 0:3 hesabı ilə uduzmuşdunuz. Revanş hissi var?

– Doğrudur, ötən mövsüm onlara böyük hesabla uduzmuşduq. Amma bir sözü deyə bilərəm ki, vəziyyəti xeyrimizə dəyişmək istəyəcəyik.

– Adınız “Flamenqo” ilə hallanırdı. Bu, doğrudur?

– Mətbuatda çoxlu xəbər çıxır. Bütün xəbərlərə inanmaq məcburiyyətində deyilik. Biz yolun ortasındayıq. Öz missiyamız var. Onu bitirməliyik. Bir işə fokuslanmışıq və diqqətimizi yayındırmamlıdır. Düşünmək üçün vaxtımız var. Missiyamızı sona qədər başa vurmalıyıq.