Bakı metrosu UEFA Çempionlar Liqasının VI turunun "Qarabağ" - "Ayaks" (Niderland) oyunu ilə əlaqədar uzadılmış iş rejimində çalışacaq.

Prosport.Az xəbər verir ki, dekabrın 10-dan 11-nə keçən gecə bütün stansiyalar saat 01:00-a qədər sərnişinlərin girişinə açıq olacaq.

Metropoliten azarkeşlərin rahat və təhlükəsiz hərəkəti üçün gücləndirilmiş rejimdə işləyəcək. Bakı metrosunun “Gənclik”, “Nərimanov” və “28 May” stansiyalarında nəzarət mexanizmləri və işçi qüvvəsi artırılacaq.

Qeyd edilib ki, ehtiyac yaranarsa, ehtiyat qatarlar xəttə buraxılmağa hazır saxlanılacaq.