Viktor Qonçarenkonun Belarus Futbol Federasiyasının (BFF) təklifini qəbul etməməsinin səbəbi müəyyənləşib.

Prosport.Az yerli mətbuata istinadən xəbər verir ki, 48 yaşlı mütəxəssis “Neftçi” ilə danışıq apardığı üçün ölkəsinin millisində çalışmaq variantını ehtiyatda saxlayırdı. Çünki BFF-nin təklif etdiyi illik maaşı “Neftçi” aylıq məvacib kimi ödəməyə hazır idi. Lakin bakılılar ilk namizədləri olan Yuri Vernidubla anlaşdığından, Qonçarenko ilə danışıqlar yarımçıq dayandırılıb. Bu səbəbdən çalışdırıcı artıq Belarus millisində işləmək variantına ciddi yanaşa bilər.

Qeyd edək ki, Viktor Qonçarenkonun son iş yeri Rusiyanın “Pari NN” klubu olub.