Ukraynalı məşqçi Yuri Vernidub uzun sürən danışıqlardan sonra “Neftçi” ilə əməkdaşlıq barədə yekun razılığa gəlib.

Prosport.Az xəbər verir ki, tərəflər əvvəl müzakirə olunan qısamüddətli variant əvəzinə 1,5 illik müqavilə imzalamağa dair razılığa gəliblər.

İddiaya görə, Y. Vernidubun Bakıda maaşı aylıq təxminən 50 min dollar olacaq. Bu rəqəm ukraynalı mütəxəssisi Azərbaycan Premyer Liqasının ən yüksək maaş alan məşqçilərindən birinə çevirəcək.

Xatırladaq ki, hərbi vəziyyət səbəbindən Ukraynada 60 yaşı tamam olmadan kişilərin ölkəni tərk etməsinə məhdudiyyət var. Yuri Vernidubun 60 yaşı 2026-cı il yanvarın 22-də tamam olacaq. Lakin onun Ukraynadan çıxması üçün xüsusi icazə alındığı iddia olunur.