“Zirə”nin futbolçusu Rikardo Martins Qimaraeş növbəti dəfə Mozambik millisinə çağırılıb.

Prosport.Az xəbər verir ki, "Quima" ləqəbli yarımmüdafiəçi Afrika Millətlər Kubokunda iştirak edəcək. 30 yaşlı orta sahə oyunçusu turnir üçün yekun heyətə çağırılıb.

O, dekabrın son həftəsini Mozambik yığmasının düşərgəsində keçirəcək. Komanda qrupdan çıxarsa, futbolçunun “Zirə”yə qayıtması gecikəcək. Çünki dekabrın 21-də start götürəcək turnir yanvarın 18-dək davam edəcək.

Qeyd edək ki, Rikardo Martins Qimaraeş “Zirə”yə bu ilin martında Türkiyənin “İğdır” klubundan keçib.