"Qarabağ" Belçikanın II divizionunda çıxış edən "Lyej"in hücumçusun Umar Diufa maraq göstərir.

Prosport.Az africafoot-a istinadən xəbər verir ki, Azərbaycan çempionu ilə yanaşı, Belçika I Liqasında çıxış edən "Sint-Treyden" və İspaniya Sequndasından bir komanda da seneqallı forvardı yaxından izləyir.

"Lyej" 22 yaşlı futbolçusuna 2 milyon avro qiymət qoyub.

Umar Diuf cari mövsümdə "Lyej"in heyətində 17 matçda 8 qol vurub və 2 məhsuldar ötürmə edib. Futbolçunun klubu ilə 2027-ci ilin yayınadək müqaviləsi var. Müqavilədə müddətin sonradan daha 1 il uzadılma şərti mövcuddur.