Mətbuatda adı "Neftçi"nin baş məşqçisi vəzifəsinə namizədlər sırasında göstərilən belaruslu Viktor Qonçarenko ilə bağlı yeni iddialar yayılıb. 

Prosport.Az xəbər verir ki, belaruslu insayder Vladislav Taturun yazdığına görə, mütəxəssis "Neftçi"də ilinə 500 min avro (təqribən 1 milyon manat) qazana bilər. Lakin paytaxt təmsilçinin Qonçarenko ilə danışıqlar apardığına dair məlumatlar rəsmən təsdiq edilmir.

Başqa bir məlumata görə isə Qonçarenko Belarus millisinin yeni baş məşqçi ola bilər. "Sport Baza" xəbər verir ki, bu vəzifə üçün əsas namizəd Viktor Qonçarenkodur. Belarus Futbol Federasiyası 48 yaşlı mütəxəssisi birinci seçim kimi nəzərdən keçirir.

Dünən ispaniyalı Karles Alosun milli komandadan ayrıldığı açıqlanıb və federasiya dərhal yeni namizədlərlə bağlı müzakirələrə başlayıb.

Qonçarenkonun sonuncu iş yeri Rusiya Premyer Liqasında çıxış edən “Pari NN” olub. O, iyun ayında klubdan ayrılıb və həmin vaxtdan işsizdir.