Azərbaycan Kubokunun 1/8 final mərhələsində "Araz-Naxçıvan"ı 1:0 hesabı ilə məğlub edən "Kəpəz" adını növbəti raunda yazdırıb.

Prosport.Az xəbər verir ki, oyundan sonra keçirilən mətbuat konfransında Gəncə klubunun baş məşqçisi Azər Bağırov bunları deyib:

"Həm biz, həm də azarkeşlər üçün maraqlı oyun alındı. Niyəsini bilmirəm, amma qələbəyə inanırdım. Rəqib haqqında çox danışmışdıq, bilirdik ki, səhvsiz oynasaq, qalib gələ bilərik. Müdafiədə yaxşı oynadıq və vacib qələbə qazandıq. Hakimlik bu gün normal idi. Yalnız qalib gəldiyimiz üçün yox, ümumilikdə oyundan razı qaldım. Səhvlər olur, amma onlardan qaçmaq mümkün deyil."