“Turan Tovuz”un baş məşqçisi Qurban Berdiyev Azərbaycan Kubokunun 1/8 final mərhələsində "Şahdağ-Qusar" üzərində 2:1 hesablı qələbəni şərh edib.

Prosport.Az xəbər verir ki, təcrübəli mütəxəssis komandasının növbəti mərhələyə vəsiqə qazanması barədə bunları deyib:

- Bu, klassik kubok oyunu idi. Adətən bu matçlar gərgin keçir, bu oyun da istisna deyildi. Bəzi az oynayan futbolçularımıza da oynamaq şansı verdik. Bu oyun üçün motivasiyamız çatışmırdı.

- Azərbaycan millisinin baş məşqçisi Ayxan Abbasov oyunçularına daha çox oyun vaxtı əldə etdikləri klublara keçməyi məsləhət görür. Buna əsaslanaraq bu gün yerli oyunçulara daha çox oyun vaxtı verdiniz?

- Azərbaycan milli komandasının baş məşqçisinin nə deməsi məni narahat etmir. Yerli oyunçulara sonradan səhvlərini təhlil etmək üçün daha çox vaxt verdik ki, çempionatda eyni səhvləri təkrarlamasınlar.