Avropa Liqasının əsas mərhələsinin V turunda Serbiyanın "Srvena Zvezda" klubu ilə görüşdəki məğlubiyyətdən (0:1) danışan Rumıniyanın FKSB klubunun sahibi Cici Bekali ötən mövsüm eyni turnirdə Bakıda “Qarabağ” üzərindəki qələbəni (3:2) da xatırlayıb.

Prosport.Az "Digi Sport”a istinadən xəbər verir ki, rumınıyalı funksioner ən yaxşı oyunlarının məhz Azərbaycan çempionuna qarşı olduğunu deyib:

"Düşünürəm ki, Tanrı “Srvena Zvezda” ilə görüşdə Sizottinin zərbəsinin dirəyə dəyməsini istədi. O, başqa bir vəziyyətdə də eyni şeyi istəyirdi. Ən yaxşı oyunumuz “Qarabağ”a qarşı olmuşdu. O matçda iki korner zərbəsi yerinə yetirdik və 3:2 hesabı ilə qalib gəldik. Bizi qələbəni gətirən elə həmin iki korner idi".