Azərbaycan millisinin hücumçusu Renat Dadaşovun komandası “Motor” bu gün Polşa çempionatının XVII turunda “Legiya”nı qəbul edəcək.

Prosport.Az xəbər verir ki, qarşılaşma öncəsi Lublin klubunda zədəli futbolçuların sıraya dönməsi sevinclə qarşılanıb.

Baş məşqçi Mateuş Stolarski müdafiəçi Arkadiuş Nayemski və hücumçu Renat Dadaşovun artıq sıraya döndüklərini bildirib. Hər iki futbolçu zədə səbəbindən “Krakoviya” ilə keçirilən XVI tur matçını buraxmışdı. Ötən həftəiçi kollektivlə məşqlərə qatılan Nayemski və Dadaşovun bugünkü oyuna hazır olduğu açıqlanıb.

Qeyd edək ki, hazırda “Motor” 19 xalla 13-cü, “Legiya” isə 18 xalla 14-cü pillədə qərarlaşır.