“Qarabağ”ın Çempionlar Liqasındakı növbəti rəqibi olan Niderland “Ayaks”ının fanatları stadionda yanğın törədiblər.

Prosport.Az xəbər verir ki, hadisə Niderland çempionatının son turunun "Qroningen"lə ev oyununda baş verib. Amsterdam klubunun fanatları tribunadan yüzlərlə fişəng ataraq meydançanı yandırıblar.

Azarkeşlər həlak olmuş bir fanatın xatirəsini anmaq istədikləri üçün bu addımı atsalar da, aksiya nəzarətdən çıxıb. Nəticədə matç 40 dəqiqə dayandırılıb. Lakin fişənglərin partladılması davam edib.

Buna görə görüşün dekabrın 2-də boş tribunalar önündə keçirilməsi qərara alınıb.

Qeyd edək ki, "Qarabağ" - "Ayaks" oyunu dekabrın 10-da Tofiq Bəhramov adına Respublika stadionunda keçiriləcək.