Yuri Vernidubun “Neftçi”yə təyinatı düyünə düşüb.

Prosport.Az Ukrayna mətbuatına istinadən xəbər verir ki, 59 yaşlı mütəxəssislə ilkin razılıq əldə olunsa da, onun Bakıya gəlişi hələ mümkün olmayıb.

Məsələ burasındadır ki, Vernidub Ukraynanı yalnız 60 yaşı tamam olduqdan sonra tərk edə bilər. O, hərbi səfərbərlikdən azad olmaq üçün yanvarın 22-nə qədər gözləməlidir. Mütəxəssis yalnız həmin gündən sonra qanuni olaraq ölkəsini tərk edə bilər.

Bu da o deməkdir ki, “Neftçi” hələ 2 ay baş məşqçisiz qalmalıdır. Ancaq paytaxt klubunun rəhbərliyi buna müsbət yanaşmır. Buna görə də, bakılılar yaxın günlərdə müsbət nəticə əldə edə bilməsə, digər variantlara nəzər yetirəcək.

Qeyd edək ki, “Neftçi” uğursuz nəticələrin ardından baş məşqçi Samir Abasovu istefaya göndərib.