19 yaşadək qadın futbolçulardan ibarət Azərbaycan millisi Avropa çempionatının seçmə mərhələsində növbəti oyununa çıxıb.

Prosport.Az xəbər verir ki, B Liqasının 5-ci qrupunda Şimali Makedoniya ilə qarşılaşan yığma 1:3 hesabı ilə uduzub.

Strumitsa şəhərində baş tutan matçda millinin yeganə qolunu 35-ci dəqiqədə Mədinə Curuqova vurub.

Görüş daha əvvəl pis hava şəraitinə görə təxirə salınmışdı.

Qeyd edək ki, U-19 ilk matçında sloveniyalı həmyaşıdlarına 0:2 hesabı ilə uduzub.