“Qarabağ”ın qapıçısı Mateuş Koxalski və Bəhlul Mustafazadə UEFA Çempionlar Liqasının Liqa mərhələsinin V turu çərçivəsində İtaliya çempionu “Napoli”yə qarşı keçirdikləri oyunu (0:2) şərh ediblər.

Prosport.Az xəbər verir ki, onlar 0:2 hesablı məğlubiyyətlə bağlı bunları söyləyiblər:

Mateuş Koxalski: “Düşünürəm ki, yaxşı oyun keçirdik. Birinci hissədə daha yaxşı idik. İkinci hissədə isə oyuna tam köklənə bilmədik. Mənim yaxşı seyv etməyim və penalti qaytarmağım önəmli deyildi. Çünki mənim üçün əsas olan komandadır, komanda oyunudur. Təəssüf ki, alınmadı. Bu oyundan 1, hətta 3 xal da qazanmaq mümkün idi. Uduzduğumuz üçün məyusam. Buna baxmayaraq, ümid edirəm ki, növbəti oyunda daha yaxşı çıxış edəcəyik.”

Bəhlul Mustafazadə: “Oyunun gərgin keçəcəyini ilk gündən bilirdik. Rəqibimiz “Napoli” idi. Buna baxmayaraq, ilk hissədə yaxşı oynadıq. 2-ci hissədə isə təəssüf ki, bəzi epizodlarda diqqətsizlik oldu. Həmin epizodların birində mən də diqqətsiz oynadım. Topu daha yaxşı uzaqlaşdırmalı idim. Təəssüf ki, məğlub olduq, amma buna baxmayaraq, hər şey davam edir və hələ şanslarımız var. Gələn oyuna maksimum şəkildə hazırlaşacağıq”.