Azərbaycanın xarici işlər naziri Ceyhun Bayramov UEFA Çempionlar Liqasının V turu çərçivəsində İtaliyada keçirilən “Napoli” - "Qarabağ" matçını stadiondan izləyib.

Prosport.Az xəbər verir ki, nazir görüş başa çatdıqdan sonra klub rəhbərliyi, futbolçular və məşqçi heyəti ilə görüşüb. Görüş zamanı C. Bayramov komandanın son illərdəki inkişaf dinamikası xüsusi qeyd edib. Nazir vurğulayıb ki, əvvəlki illərdə güclü rəqiblərlə qarşılaşmalarda daha çox çətinliklərin yaşanması fonunda bu gün “Qarabağ” elə bir səviyyəyə yüksəlib ki, artıq ən nəhəng klublara qarşı oyunun nəticəsinə belə həssas yanaşılır.

Ceyhun Bayramov komandanın nümayiş etdirdiyi iradəni və stabil performansı yüksək dəyərləndirib, bunun davamlı olacağına inandığını bildirib və gələcək oyunlarda uğurlar arzulayıb.