AFFA İntizam Komitəsi "Sabah" klubuna xəbərdarlıq edib.

Prosport.Az xəbər verir ki, buna Misli Premyer Liqasının XII turunda "Şamaxı" ilə oyunda tamaşaçılar tərəfindən gətirilmiş və qadağan olunmamış əşyaların arenaya buraxılmaması səbəb olub.

"Sumqayıt"ın futbolçusu Rayan Senhaci isə 1 oyunluq cəza alıb. O, "Qarabağ"la görüşdə ikinci sarı vərəqəni alaraq meydandan qovulmuşdu. "Gənclik şəhəri" təmsilçisi ona görə 500 manat ödəməli olacaq.