"Sabah əfsanəvi futbolçumuz Dieqo Armando Maradonanın ildönümüdür. "Qarabağ" üzərində qələbəni ona həsr etmək istəyirik".

Prosport.Az xəbər verir ki, bu sözləri “Napoli”nin baş məşqçisi Antonio Konte UEFA Çempionlar Liqasının V turunda İtaliyada “Qarabağ”la keçiriləcək oyundan öncə mətbuat konfransında deyib.

56 yaşlı mütəxəssis Ağdam təmsilçisinin cari mövsümün sürpriz komandası olduğunu bildirib: "Onlar "Benfika"nı məğlub ediblər, "Çelsi" ilə isə bərabərə qalıblar. Rəqibin heyətində keyfiyyətli legionerlər var. Oyunun əvvəlindən diqqətli olmalıyıq, çünki matçla yüksək templə başlayırlar. Sabah Çempionlar Liqası üçün çox vacib bir addımdır. Şübhəsiz ki, oyuna pozitivliklə çıxacağıq, amma 100 faizimizi verməliyik".

Qeyd edək ki, noyabrın 25-dən 26-na keçən gecə “Dieqo Armando Maradona” stadionunda keçiriləcək “Napoli” – “Qarabağ” qarşılaşması Bakı vaxtı ilə saat 00:00-da start götürəcək.