Misli Premyer Liqasının XII turunun “Araz-Naxçıvan” – “Turan Tovuz” oyunundan (1:1) sonra qonaq komandanın baş məşqçisi Qurban Berdiyev jurnalistlərin suallarını cavablandırıb.

Prosport.Az xəbər verir ki, mütəxəssis əvvəlcə görüşlə bağlı fikirlərini bölüşüb.

– İki fərqli hissə oldu. Fasilədən sonra daha yaxşı oynadıq. Təəssüf ki, qalib gələ bilmədik.

– Sanki hakimlikdən narazı idiniz…
– Baş məşqçilərə bu haqda suallar verirsiniz. Hakimlikdən danışanda nəsə dəyişir? Dəyişmirsə, danışmağa ehtiyac yoxdur.

– Komandanın 2-ci sırada olmağı sizi razı salır?
– Turnir cədvəlinə baxmırıq. Oyundan-oyuna diqqət edirik.