Azərbaycan millisinin futbolçusu Elvin Bədəlov DÇ-2026-nın seçmə mərhələsində sabah Fransa yığmasına qarşı keçirəcəkləri oyundan əvvəl jurnalistlərin suallarını cavablandırıb.

Prosport.Az xəbər verir ki, müdafiəçi əvvəlcə görüşlə bağlı fikirlərini bölüşüb.

– Tsikldə son oyunumuzdur. Güclü rəqibə qarşı oynayacağıq. İnanıram ki, azarkeşlərimizin dəstəyi ilə yaxşı mübarizə aparacağıq. Nəticə qazana biləcəyimizə ümid edirəm.

– Kilian Mbappenin yoxluğu oyuna marağı azaldır, ya necə?
– İnanmıram ki, maraq azalır. Bildiyimə görə, stadion dolacaq. Mbappe olmasa da, rəqibdə ulduz oyunçular çoxdur. Onsuz daha çətin olacaq. Çünki komanda olaraq onlar daha ciddi olacaqlar. Yaxşı mübarizə apara bilərik.