Moskva “Dinamo”sunun heyətində çıxış edən azərbaycanlı futbolçu Ülvi Babayev Rusiyanın U-21 milli komandasının heyətində dubl edib.

Prosport.Az xəbər verir ki, Rusiyanın gənclər yığması Manas kubokunda Bəhreynin U-23 komandası ilə qarşılaşıb.

Oyun Qırğızıstanın Manas şəhərindəki “Kurmanbek” stadionunda keçirilib.

90+9-cu dəqiqədə hesabı açan Ülvi bundan 2 dəqiqə sonra 2-ci qolu vurub. Görüş rusların 2:0 hesablı qələbəsi ilə başa çatıb.