Azərbaycanın II Liqasında çıxış edən “Şəmkir” klubunun rəhbərliyində dəyişiklik baş verib.

Prosport.Az xəbər verir ki, komandanın yeni rəhbəri və əsas idarəedici şəxs vəzifəsinə Adil Əliyev təyin olunub.

Bildirilib ki, yeni rəhbərliyin məqsədi komandanın idarəetmə strukturunu gücləndirmək, bölgə futbolunun inkişafına töhfə vermək və “Şəmkir”i daha yüksək hədəflərə doğru aparmaqdır.

Qeyd edək ki, hazırda “Şəmkir” 12 xalla turnir cədvəlində 6-cı pillədə qərarlaşıb.