Türkiyədə mərc qalmaqalı davam edir.

Prosport.Az Türkiyə Futbol Federasiyasının rəsmi saytına istinadən bildirir ki, Azərbaycan milli komandasında oynamış Mərt Çəlik və Əmrə Kaplanın mərc oyunlarında iştirak etdikləri müəyyənləşib.

Hazırda “Sivasspor”da çıxış edən Çəlik TFF-in açıqladığı 1024 nəfərlik siyahıda yer alıb.

Mərt Çəlik “Neftçi” və “Səbail”in formasını geyinib. O, həmçinin Azərbaycanın U-21 yığmasında 7 qarşılaşmada, əsas millidə isə 1 matçda çıxış edib.

Hazırda “Ümraniyəspor”da oynayan Əmrə Kaplanın da adı 1024 nəfərlik siyahıdadır.

Əmrə Kaplan Azərbaycanın U-19 və U-21 yığmalarında forma geyinib. O, hər iki komandanın heyətində 3 oyuna çıxıb.