DÇ-2026-nın seçmə mərhələsində Ukrayna və Azərbaycan millisi ilə qarşılaşacaq Fransa yığmasının heyətində dəyişiklik olub.

Prosport.Az xəbər verir ki, hücumçu Randal Kolo Muaninin adı siyahıdan çıxarılıb.

Buna “Tottenhem”də icarə əsasında çıxış edən forvardın İngiltərə Premyer Liqasının son turunda “Mançester Yunayted”lə qarşılaşmada çənəsindən xəsarət alması səbəb olub.

Baş məşqçi Didye Deşam millinin həkimi ilə məsləhətləşdikdən sonra Kolo Muanini heyətdən çıxarıb və onun əvəzinə “Lans”dan Florian Toven yığmaya çağırılıb.

Qeyd edək ki, Fransa yığması noyabrın 13-də Ukrayna, 16-da isə Azərbaycan millisi ilə qarşılaşacaq.