"Sumqayıt" Misli Premyer Liqasının XI turunda səfərdə "Qəbələ"ni 2:0 hesabı ilə məğlub edib.

Prosport.Az xəbər verir ki, "kimyaçılar"ın serbiyalı baş məşqçisi Saşa İliç matçdan sonra keçirilən mətbuat konfransında jurnaalistlərin suallarını cavablandırıb. O əvvəlcə oyunla bağlı fikirlərini bildirib:

– Çətin oyun oldu. Meydanda çoxlu birə-bir mübarizələr var idi. Məncə, oyun sürətli keçdi. İlk qolu penaltidən vurduq. Bundan sonra rəqibin təzyiqi ilə üzləşdik. Şadam ki, matçı qələbə ilə başa vurduq.

– Penaltini niyə məhz Aleksandr Ramalinqoma həvalə edirsiniz?
– Aleksandr hücumçudur. Son penaltilərdə səhvi olmuşdu. Bunu öz aramızda müzakirə edəcəyik. Bəlkə də penalti vuranı dəyişdik.

– İlk hissədə sanki hakimin qərarlarından narazı idiniz. İdarəçiliyi necə dəyərləndirirsiniz?
– Əslində rəqibə görə çox narahat idim. Evdə oynayırdılar. "Qəbələ" 5 xal toplamasına baxmayaraq, yaxşı komandadır. Narahatlığım buna görə idi.

– İlk dövrə başa çatdı. Azərbaycan çempionatının səviyyəsini necə dəyərləndirirsiniz? 
– Çətin çempionatdır. 5 komanda avrokuboklara vəsiqə uğrunda mübarizə aparır. "Sumqayıt"a gəldikdə, biz yalnız növbəti oyuna fokuslanırıq.