Misli Premyer Liqasının IV turunun “Şamaxı” – “İmişli” oyunundan (1:0) sonra meydan sahibi komandanın baş məşqçisi Ayxan Abbasov fikirlərini bölüşüb.

Prosport.Az xəbər verir ki, mütəxəssis matçla bağlı bunları söyləyib:

“Azarkeşlərimizə təşəkkür etmək istəyirəm. Onları sevindirmək istəyirdik. Çətin oyun oldu. “İmişli” hər kəsi təəccübləndirir. Hər komandaya qarşı yaxşı mübarizə aparırlar. Bilirdik ki, bu gün 3 xal bizim üçün çox vacibdir. İlk dövrəni 13 xalla bitirdik. Bu, bizim üçün yaxşıdır. Komanda olaraq istədiyimiz oyunu göstərə bilirik. Düzdür, bəzən alındı, bəzən yox. Bugünkü matçda ikinci hissədə daha yaxşı oynadıq. Çempionatda ən vacib qələbələrdən birini qazandıq”.