Əliyar Ağayev UEFA Çempionlar Liqasının əsas mərhələsinin IV turunda "Slaviya" (Çexiya) - "Arsenal" (İngiltərə) oyununu idarə edib.

Prosport.Az xəbər verir ki, qarşılaşma "topçular"ın 3:0 hesablı qələbəsi ilə bitib.

Azərbaycanlı hakim 32-ci dəqiqədə çexiyalıların futbolçusu Lukas Provodun cərimə meydançası daxilində əllə oynamasına görə penalti təyin edib. Referi VAR-a baxdıqdan sonra qayda pozuntusunu qeydə alıb.

Zərbəni yerinə yetirən Bukayo Saka isə hədəfdən yayınmayıb. Digər qolları Mikel Merino (46, 68) vurub.

Əliyar Ağayev matç ərzində "Slaviya"nın 2, "Arsenal"ın isə 4 futbolçusunu sarı vərəqə ilə cəzalandırıb.

Digər matçda isə "Qarabağ"ın turnirdəki rəqibləri üz-üzə gəlib. İtaliyada "Napoli" və "Ayntraxt" (Almaniya) arasında keçirilən görüşdə hesab açılmayıb.