Fransa millisinin futbolçusu Dezire Due DÇ-2026-nın seçmə mərhələsində Bakıda Azərbaycan yığmasına qarşı keçirəcəkləri oyundan əvvəl zədələnib.

Prosport.Az xəbər verir ki, PSJ-də çıxış edən 20 yaşlı vinger Liqa 1-in X turunda "Loryan"la matçda (1:1) xəsarət alıb və meydanı xərəkdə tərk edib. Onun sağalması üçün bir neçə həftə lazım olacaq.

Dezire Due oktyabrda Azərbaycan seçməsinə qalib gəldikləri (3:0) qarşılaşmada da zədə səbəbindən iştirak edə bilməyib. Futbolçu cari mövsüm PSJ-də meydana çıxdığı 15 matçda 4 qol və 3 məhsuldar ötürmə ilə yadda qalıb.

Qeyd edək ki, Azərbaycan - Fransa oyunu noyabrın 16-da keçiriləcək.