Azərbaycan Kubokunun II təsnifat mərhələsində "Dinamo" "Turan Tovuz"la qarşılaşıb.

Prosport.Az xəbər verir ki, "Azərsun Arena"da keçirilən matç qərb təmsilçisinin 5:0 hesablı qələbəsi ilə yekunlaşıb.

Qurban Berdiyevin rəhbərlik etdiyi kollektivin qollarını İbrahima Vadji (2), Şəhriyar Əliyev, Ayxan Hüseynov və Murad Dadaşev vurublar. "Turan Tovuz" 1/8 finalda "Şimal" - "Şahdağ Qusar" matçının qalibi ilə üz-üzə gələcək.

Qeyd edək ki, daha əvvəl keçirilən görüşlərdə "Şəfa" "Cəbrayıl"ı (3:0), "Baku Sportinq" "Göygöl"ü (2:0), "Kəpəz" "Ağstafa Gəncləri"ni (6:1), "İmişli" "Qaradağ Lökbatan"ı (3:2), "Karvan-Yevlax" isə "Şəki Siti"ni (3:1) məğlub edərək növbəti mərhələyə yüksəlib.