Vensan Abubakarın “Neftçi”nin heyətində debütü bir çox ölkə mətbuatının diqqətini çəkib.

Prosport.Az xəbər verir ki, 33 yaşlı hücumçunun Misli Premyer Liqasının IX turunda “Qəbələ” ilə görüşdəki performansı sürprizlə qarşılanıb.

Kamerun millisinin üzvünün bir neçə il legioner həyatı yaşadığı Türkiyə mətbuatı da onun çıxışına biganə qalmayıb. Həmkarlarımız Abubakarı argentinalı Lionel Messi ilə müqayisə ediblər: “Uzun müddət futbolsuz qaldıqdan sonra belə geridönüşü ancaq ulduzlar bacarar. Topa ilk toxunuşda assist etmək, ardından qol vurmaq və komandanı qələbəyə daşımaq möhtəşəmdir. Abubakar “Qəbələ” ilə oyunda Messiyə çevrildi. Öz formasını bərpa etsə, Azərbaycan çempionatında böyük iz qoyacaq”.

Qeyd edək ki, “Neftçi”nin səfərdə “Qəbələ”ni 2:0 hesabı ilə məğlub etdiyi qarşılaşmada Abubakar 70-ci dəqiqədə meydana daxil olaraq debüt edib.