Azərbaycan millisinin DÇ-2026-nın seçmə mərhələsində İslandiya və Fransa yığmalarına qarşı matçlarının biletləri satışa çıxarılıb.

Prosport.Az xəbər verir ki, "İticket.az" vasitəsilə satılan biletlərin qiymətləri İslandiya ilə matç üçün 5-30 manat arasında dəyişir. Azərbaycan - Fransa matçı üçün bilet qiymətləri isə 5-200 manat aralığındadır.

Qeyd edək ki, İslandiya ilə matç noyabrın 13-də saat 21:00-da 8-ci km qəsəbə stadionunda keçiriləcək. Azərbaycan – Fransa matçı isə noyabrın 16-da saat 21:00-da Tofiq Bəhramov adına Respublika Stadionunda start götürəcək.