Misli Premyer Liqasının 9-cu turunun “Araz-Naxçıvan” – “Sabah” oyunu Qazaxıstan mətbuatının diqqətini çəkib.

Prosport.Az xəbər verir ki, yerli KİV “Sabah”ın qapıçısı Stas Pokatilovun çıxışını dəyərləndirib.

Qazaxıstan millisinin qolkiperinin iki qol buraxdığı görüş 2:2 hesabı ilə yekunlaşıb. Qazaxıstanlılar həmyerlilərinin matçı aşağı səviyyədə keçirdiyini bildiriblər: “Stas buraxılan ilk qol zamanı çıxışda səhvə yol verdi. Ən əsası, oyun ərzində bir dəfə də olsun seyv etmədi. Bu mövsüm 4 matçda qapısının toxunulmazlığını qoruyan milli üzvü bu dəfə görüşü aşağı səviyyədə keçirdi”.

Məhz qeyri-stabil çıxış səbəbindən Pokatilovun millinin noyabrdakı oyunlarına çağırılmadığı bildirilib.

Qeyd edək ki, ehtiyatında bir oyunu olan “Sabah” hazırda 15 xalla 5-ci pillədə qərarlaşır.