İngiltərənin "Çelsi" klubu Portuqaliya "Portu"sunda çıxış edən Samu Aqehovanı transfer etmək istəyir.

Prosport.Az "The Sun"a istinadən xəbər verir ki, "zadəganlar" 21 yaşlı futbolçu üçün indidən "Portu" ilə danışıqlara başlayıb.

Portuqaliya nəhəngi forvarda görə 100 milyon avro tələb edir. "Çelsi" isə bu məbləği dərhal ödəməmək üçün qarşı tərəflə görüşlər keçirir.

İspaniyalı hücumçu bu mövsüm 10 matçda 8 qol vurub. Onun "Portu" ilə 2029-cu il iyunun 30-na qədər müqaviləsi var.

"Çelsi" Çempionlar Liqasında "Qarabağ"ın rəqiblərindən biridir.