Kamerunlu ulduz futbolçu Vensan Abubakarın “Neftçi”yə transferi təkcə Azərbaycanda deyil, bütün dünyada böyük sensasiya kimi qəbul olunub.

Prosport.Az “Sun” nəşrinə istinadən xəbər verir ki, 33 yaşlı hücumçunun tanınmış klublardan birinə keçməsi gözlənilirmiş.

Bildirilir ki, Abubakarın ölkəmizə gəlişi dünyanın bir çox ölkəsində Premyer Liqamıza marağın artmasına səbəb olacaq: “Abubakar Kamerun millisinin ən məhsuldar 2-ci futbolçusudur, DÇ-2022-də iki qol vurub. Həmin mundialın ən yaxşılarından biri hesab olunmuşdu və hətta “Mançester Yunayted”in də maraq dairəsinə düşmüşdü. Belə bir oyunçunun cəmi 3 il sonra Azərbaycan kimi reytinqi aşağı ölkəyə yollanması hamını təəccübləndirdi. O, indi “Neftçi” ilə yenidən yüksəlişə keçməyə çalışacaq”.

Qeyd edək ki, Vensan Abubakar “Neftçi” ilə 1+1 illik müqavilə imzalayıb.