Çimərlik güləşi üzrə dördqat dünya çempionu İbrahim Yusubov (90 kq) karyerasını başa vurub.

Prosport.Az xəbər verir ki, idmançı bu barədə jurnalistlərə açıqlamasında deyib.

O bildirib ki, Misirin İsgəndəriyyə şəhərində keçirilən Dünya Seriyasının final mərhələsi karyerasındakı sonuncu yarış olub: "Baş məşqçi ilə birgə bu qərarı qəbul etdik. İdmandan qələbə ilə ayrılmaq daha düzgün seçimdir. Gələcəkdə məşqçi kimi fəaliyyət göstərə bilərəm və federasiya rəhbərliyi etimad göstərsə, bu sahədə çalışacağam”.

Qeyd edək ki, Azərbaycan təmsilçiləri yarışda 2 qızıl, 1 bürünc medal qazanıblar. İbrahim Yusubov (90 kq) və Vüsal Əliyev (80 kq) qızıl, Sahib Dadaşov (80 kq) isə bürünc mükafata sahib çıxıb.