“Neftçi” Vensan Abubakarla müqavilə imzalayıb.

Prosport.Az xəbər verir ki, Kamerun milli komandasının hücumçusu 1+1 illik sözləşməyə qol çəkib.

33 yaşlı forvard yeni komandasında 45 nömrəli formanı geyinəcək.

Sonuncu klubu “Hatayspor” olan Abubakar vətənindən başqa, Fransa, Portuqaliya, Türkiyə və Səudiyyə Ərəbistanı liqalarında da çıxış edib. O, “Portu” ilə Portuqaliya çempionatının (2018, 2020), kubokunun (2020) və Superkubokunun (2018), “Beşiktaş”la Türkiyə çempionatının (2017, 2021), kubokunun (2021, 2024) və Superkubokunun (2024) qalibi olub.

Kamerun milli komandasının kapitanı olan hücumçu yığmanın heyətində 115 oyun keçirib, 45 qola imza atıb. Vensan Abubakar 2017-ci ildə Afrika Kubokunu başı üzərinə qaldırıb, 2022-ci ildə isə 8 qolla Afrika Millətlər Liqasının bombardiri olub.