Azərbaycan Premyer Liqasının VIII turunun "Neftçi" – "Araz-Naxçıvan" (2:2) matçı ilə bağlı qalmaqal səngimək bilmir.

Prosport.Az-ın xəbərinə görə, Emin Mahmudovun 56-cı dəqiqədə vurduğu qolla "Neftçi məğlubiyyətdən qurtulub.

Bu qolun oyundankənar vəziyyətdən vurulduğu iddia edilir. Oyunu göstərən "CBC Sport" telekanalı matç boyu VAR xətti vasitəsilə həmin qolu tamaşaçılara təqdim etməyib. Bu da həmin matçda VAR-da texniki problemin olması iddiasını qüvvətləndirib.

Bizdə olan məlumata görə, "Araz-Naxçıvan" tərəfi də bundan ciddi narazıdır. Artıq Naxçıvan təmsilçisi AFFA-dan həmin epizodun VAR xətti ilə onlara təqdim olunmasını tələb edib. Hələ ki qarşı tərəf susqunluq nümayiş etdirir.

Qeyd edək ki, həmin qolda baş hakim Fərid Hacıyev əvvəlcə köməkçisinin qərarına əsasən oyundankənar vəziyyət olduğunu bildirib. Lakin daha sonra VAR-a baxılıb və qərar dəyişdirilib.