Donetsk “Şaxtyor”unun türkiyəli baş məşqçisi Arda Turan DÇ-2026-nın seçmə mərhələsində keçirilən Ukrayna – Azərbaycan (2:1) matçından danışıb.

Prosport.Az xəbər verir ki, qarşılaşmanı stadiondan izləyən mütəxəssis Ukraynaya azarkeşlik etdiyini bildirib:

“Mənim üçün asan deyil, çünki Azərbaycan millisinə hörmət bəsləyirəm. Eyni zamanda Ukraynada işləyirəm və özümü buranın bir parçası kimi hiss edirəm. Azərbaycanla oyunda Ukraynanı dəstəklədim. Futbolçularımla qürur hissi keçirirəm. İslandiya və Azərbaycana qarşı yaxşı oynadılar. Hazırda onlar üçün oynamaq asan deyil, çünki bütün matçlarını səfərdə keçirirlər, hər dəfə ayrı stadionda oynayırlar. Ukraynanın yaxşı komandası var”