İspaniyanın “Atletik” (Bilbao) klubunun futbolçusu Xesus Areso qarşıdakı matçların, o cümlədən Çempionlar Liqasının qrup mərhələsinin üçüncü turunda Ağdamın “Qarabağ” klubuna qarşı görüşün önəmini dəyərləndirib.

Prosport.Az "Diario AS” nəşrinə istinadən xəbər verir ki, 26 yaşlı futbolçu oktyabrın sonunda keçiriləcək qarşılaşmanın komandası üçün həlledici olacağını vurğulayıb:

“Növbəti rəqiblərimiz “Elçe” və “Qarabağ”dır. Düşünürəm ki, bir az dincəlmək vacibdir, amma eyni zamanda konsentrasiyanı itirməməliyik. Bu oyunlar çox önəmlidir. Həm “Elçe” ilə görüş, həm də “Qarabağ”a qarşı matç hardasa bizim gələcəyimizi müəyyənləşdirəcək".

Xatırladaq ki, “Atletik” və “Qarabağ” arasında oyun oktyabrın 22-də Bilbaoda keçiriləcək.