Azərbaycanın "Qarabağ"ın qapıçısı Şahruddin Məhəmmədəliyev DÇ-2026-nın seçmə mərhələsində inamlı oyunu ilə fərqlənən futbolçular arasındadır.

Prosport.Az xəbər verir ki, 31 yaşlı qolkiper D qrupunda geridə qalan 4 matçın hamısında meydana çıxıb və ümumən 19 seyv edib. Bu, orta hesabla hər oyuna 4,75 qurtarış deməkdir. Şimali Makedoniya komandasının üzvü Stole Dimitriyevskİ də 19 dəfə komandasının xilaskarı olub.

Hər iki futbolçu bu göstəricilərlə 82 qapıçı arasında 11-12-ci yeri bölüşdürür. 

Siyahıda ilk pilləni isə 34 seyvlə San-Marino millisindən Edoardo Kolombo tutur. 2-ci yerdə Benyamin Bühel (Lixtenşteyn, 30 seyv), 3-cü pillədə isə İker Alvares (Andorra, 26 seyv) qərarlaşıb.

Qeyd edək ki, Azərbaycan millisi DÇ-2026–nın seçmə mərhələsinin ilk 4 matçında 11 qol buraxıb.