“Sumqayıt”ın əvəzedicilərdən ibarət komandasının baş məşqçisi Vaqif Cavadov “PRO” kateqoriyalı məşqçilik kursları çərçivəsində Niderlandın “Tvente” klubunda təcrübədə olub.

Prosport.Az xəbər verir ki, səfər zamanı həm əsas komandanın, həm də “Tvente” akademiyasının məşqlərini izləyən mütəxəssis bu əsnada komandanın baş məşqçisi Con van den Brom, klubun inkişaf direktoru Rob Bodre, skaut Vud Brama, akademiyanın futbolun inkişaf departamentinin rəhbəri Bas van Baar həmçinin klubun meneceri Yan van Staa ilə görüşüb, bir sıra məsələlərdə fikir mübadiləsi aparıb.

Qeyd edək ki, Vaqif Cavadov 2010-2011 mövsümündə "Tvente"də çıxış edib vu komanda ilə Niderland çempionu olub.