“Araz Naxçıvan” futbol üzrə Azərbaycan Premyer Liqasına vəsiqəni təmin edib.

Prosport.Az xəbər verir ki, bu, I Divizionun XXIV turunda MOİK-in “Qəbələ-2”yə məğlubiyyəti (0:3) ilə reallaşıb.

Hazırda Naxçıvan klubu 54 xalla lider, MOİK isə 38 xalla 4-cü sıradadır. Qarşıda 5 oyunu qalan “hərbçilər”in “Aaz Naxçıvan”a çatması mümkün deyil.

Qeyd edək ki, turnir cədvəlinin 2 -3-cü yerlərində Premyer Liqa təmsilçilərinin əvəzedici komandaları qərarlaşıblar və onlar elitaya yüksələ bilməzlər.

Son reqlamentə əsasən, mövsümün sonunda I Diviziondan elitaya bir klub yüksələcək, Premyer Liqanın sonuncusu isə aşağı liqaya düşəcək.

Onu da bildirək ki, "Araz Naxçıvan" 2014/15 mövsümündə Premyer Liqada mübarizə aparsa da, hakim haqsızlığını əsas gətirərək yarışı yarımçıq tərk etmişdi.