Azərbaycan milli komandası DÇ-2026-nın seçmə mərhələsinin IV turunda Polşada Ukrayna yığmasına 1:2 hesabı ilə qalib gəlib.

Prosport.Az xəbər verir ki, oyundan sonra keçirilən mətbuat konfransında komandanın baş məşqçisi Sergey Rebrov jurnalistlərin suallarını cavablandırıb:

"Xoşbəxtəm ki, bu cür nəticə əldə etdik. Gördüyünüz kimi, ciddi oyun gedirdi. Hər iki komanda qalibiyyət istəyirdi. Amma biz qalib gəldik. 5 oyunçumuz oyunda yox idi. Azərbaycanı məğlub etmək çətinliklə alındı. Birinci hissədə yaxşı oyun göstərməyə çalışırdıq".

- Nəyə görə Ukrayna Azərbaycana qarşı çətinlik çəkir? Həm Bakıda çətinlik çəkdiniz, həm də Polşadakı matçda. Axı, bu stadionun meydançası daha yaxşı səviyyədə idi. Halbuki Ukrayna mətbuatı iddia edirdi ki, Bakıda qalib gələ bilməməyinizə səbəb kimi ot örtüyünü göstərmişdiniz...

- Bəli, mən heç bir zaman fikirləşmirəm ki, Azərbaycan millisi zəifdir. Belə sözü də heç vaxt deməmişəm. İslandiya ilə oyunda göstərdiyiniz nəticə sizin gücünüz deyildi. Niyə Azərbaycan öz millisinə qiymət vermir? Axı , Azərbaycanın Çempionlar Liqasında oynayan komandası var. Azərbaycanlı oyunçular bu matça güclü hazırlaşmışdı. Öz futbolçularımızla söhbət aparmışdıq.

- İslandiya - Fransa matçında heç-heçə qeydə alındı. Düşünürsünüz ki, Ukrayna qrupda birinci yeri tuta bilər?

- Gözləyirəm ki, 5 futbolçum zədədən qayıtsın. Ukrayna millisi həmişə qələbəyə köklənir, qələbə qazanır. Bu gün İslandiya - Fransa görüşündə bərabərlik qeydə alındı. Amma gözləyirik ki, zədəlilərimiz qayıtdıqdan sonra daha da gözəl nəticələr qazanaq.

- Son iki matçda qalib gəldiniz. Özünüzü necə hiss edirsiniz?

- Bəli, xoşuma gələn odur ki, jurnalistlərdən xoş şərhlər eşidək və incidən suallar gəlməsin. Ona görə sizi sevindirməyə çalışacağıq.