Azərbaycan milli komandası DÇ-2026-nın seçmə mərhələsində Parisdə Fransa yığmasına 0:3 hesabı ilə uduzub.

Prosport.Az xəbər verir ki, oyundan sonra keçirilən mətbuat konfransında ev sahibi komandanın baş məşqçisi Didye Deşam jurnalistlərin suallarını cavablandırıb.

- Birinci hissədə gördükləriniz sizi qane edir?

- İstədiyimiz nəticəni əldə etdik. Amma xeyr, qane etmədi. Komandada yorğunluq var idi. Topun hərəkətində vertikallıq az idi. İstədiklərimizi etməyə çalışdıqda çətinlik çəkirdik. Futbolçulara demişəm ki, intensiv oynamaq lazımdır. Bunu yetərincə etmədik. Rəqibi çətinliyə sala bilmədik. Çünki yorğunluq hiss edilirdi. Sevincdən göylərə qalxmayacağam. Daha çox qol vura bilərdik.

- Tovenin qol vurması haqda nə deyərdiniz?

- Bizim üçün də, onun üçün də yaxşıdır. Özü üçün geridönüşdür. Qol vurmaq keyfiyyəti var. Top ayağına gəldisə, fərqlənməyə çalışacaq. Məmnunam ki, qol vura bildi.

- Kilian Mbappenin ayağındakı problem nə yerdədir? Meydanda lider rolunu oynayırdı...

- Ayaqlarını çox sürətlə hərəkət etdirir. Topa toxunan kimi sürətlənir. Lider və kapitandır. Vəziyyəti yaxşıdır. Kapitan olaraq rolu budur ki, komandaya rəhbərlik etsin. Ayağında problem var. Zərbəni də təəssüf ki, eyni yerdən aldı. Ağrısı çox idi.

- Bu cür matçlardan dərs çıxarmaq olar?

- Hər zaman dərs almaq lazımdır. Çünki fərdi və kollektiv olaraq bunu etmək lazımdır. Dərs çıxararkən, rəqibi də  nəzərə almalıyıq. Daha yaxşısını edə bilərik.

- Nəticəni kənara qoysaq, ən çox nə xoşunuza gəldi?

- Elementar oyun idi. 7 qol imkanımız var idi, 3-nü vurduq.

- 1995-ci ildə Azərbaycana qarşı oynamısınız, həmin vaxt 10:0 hesabı ilə qalib gəlmişdiniz. Bir ildən sonra dünya çempionu oldunuz. Sizə elə gəlmir ki, Fransa gələn il dünya çempionu olacaq?

- İstəyimiz ora düşməkdir. Azərbaycana qarşı oyun uzun illər əvvəl olub. Səhv etmirəmsə, Oserdə oynayırdıq. O vaxtı indiki oyunçularım dünyaya gəlməmişdi. Oyunçulara vaxt vermək lazımdır, gəncdirlər.