DÇ-2026-nın seçmə mərhələsi çərçivəsində Azərbaycan yığması sabah səfərdə Fransa millisi ilə qarşılaşacaq.

Prosport.Az xəbər verir ki, oyundan öncə keçirilən mətbuat konfransında yığmamızın futbolçusu Bəhlul Mustafazadə jurnalistlərin suallarını cavablandırıb:

"Fransa millisi haqda çox danışmağa ehtiyac yoxdur. Önəmli olan bu rəqibə qarşı necə reaksiya verməyimizdir. Hazırlıqlarımızı bu gün tamamlayacağıq. Sabah meydançanın hər qarışı uğrunda mübarizə aparacağıq".

- Millinin ən formada olan oyunçularından birisiniz. "Qarabağ"ın heyətində Çempionlar Liqasında önəmli fiqurlarındansınız. Son 2-3 gündə futbolçularla özünüz şəxsən psixoloji baxımdan, dəstək üçün söhbət aparmısınız?

- Oyundan öncə komanda yoldaşlarımızla bu matç haqda danışmışıq. Bütün komanda olaraq hamımız hazır olmalıyıq. Bu barədə söhbətimiz çox olur. Hazırlığımız yaxşıdır. Sabah yaxşı mübarizə aparacağıq.