AFFA İntizam Komitəsinin növbəti iclası keçirilib.

Prosport.Az xəbər verir ki, iclasda Misli Premyer Liqasının VII turunda baş verən qayda pozuntuları ilə bağlı qərarlar verilib.

"Zirə” – “Neftçi” oyununun 90+7-ci dəqiqəsində ev sahibi komandanın futbolçusu Ayron Qomis ikinci sarıdan qırmızı vərəqə aldığı üçün 1 oyun cəzalanıb, "Qartallar" 500 manat cərimə edilib. Oyunda VAR maşını ətrafında təhlükəsizlik tam təmin edilmədiyinə görə “Zirə” 1000 manat cərimə ödəyəcək.

Matçda “Neftçi”dən 4 nəfər sarı vərəqə aldığı üçün klub 700 manat cərimələnib. "Aö-qaralar"ın azarkeşləri tərəfindən kütləvi iğtişaş törədildiyinə görə klub 10000 manat cərimə edilib.

Qarşılaşmanın 90+5-ci dəqiqəsində “Neftçi”nin məşqçisi Vəfadar Quliyev hakimin qərarına etiraza görə birbaşa qırmızı vərəqə aldığı üçün 2 oyun cəzalanıb, klub 5000 manat cərimə edilib.

“Sumqayıt” – “Turan Tovuz” oyununda ev sahibi komandanın 4 futbolçusu sarı vərəqə aldığı üçün klub 700 manat cərimə olunub.

“Qəbələ” – “Şamaxı” oyununda isə qonaq komandanın 4 futbolçusu sarı vərəqə aldığı üçün "şirlər" 700 manat cərimə edilib.