UEFA Çempionlar Liqasının əsas mərhələsində "Qarabağ"ın rəqibi olan "Napoli" ciddi itki ilə üzləşib.

Prosport.Az xəbər verir ki, İtaliya çempionunun yarımmüdafiəçisi Stanislav Lobotka sıradan çıxıb.

Slovakiya milli komandasının düşərgəsində olan futbolçu klubuna geri qayıdıb. 30 yaşlı dayaq yarımmüdafiəçisi təxminən 3-4 həftə yaşıl meydanlardan uzaq qalacaq.

Təcrübəli oyunçu bu mövsüm Neapol təmsilçisinin heyətində meydana çıxdığı 8 rəsmi matçda 1 qol ötürməsi ilə yadda qalıb.

Qeyd edək ki, "Napoli" - "Qarabağ" qarşılaşması noyabrın 26-da İtaliyada baş tutacaq.