"Qarabağ"ın UEFA Çempionlar Liqasının əsas mərhələsindəki rəqiblərindən biri olan İtaliyanın “Napoli” klubu braziliyalı ulduz Neymarı transfer etmək istəyib.

Prosport.Az "La Gazzetta dello Sport"a istinadən xəbər verir ki, klub rəhbərliyi 2025-ci ilin yanvar–may ayları arasında 33 yaşlı hücumçunun komandaya cəlb olunması ideyasını ciddi şəkildə müzakirə edib.

Prezident Aurelio De Laurentis və baş məşqçi Antonio Konte futbolçunun komandaya və azarkeşlərə potensial təsirini qiymətləndirib.

Lakin bu plan komanda daxilində tarazlığı qorumaq və A Seriyasında qazanılan çempionluqdan sonra kollektivin birliyini saxlamaq məqsədilə reallaşmayıb.

Neymar 2025-ci ilin yanvarından etibarən Braziliyanın “Santos” klubunun formasını geyinir.

Qeyd edək ki, "Qarabağ" "Napoli" ilə noyabrın 26-də İtaliyada qarşılaşacaq.